Një zhytës i lirë ka vendosur një rekord të ri botëror, pasi është zhytur 122 metra nën një vrimë të kaltër në detin e Bahamas.

Zhytësi William Trubridge,  me anë të kësaj zhytje mposhti rekordin e tij prej 121 metrave, që e kishe pasur më parë, shkruan The Guardian.

Zhytja e tij në Bahamas, e bëri atë të mbante frymën për katër minuta e 24 sekonda. Trubridge tregoi se zhytja ishte “mjaft e vështirë”.

“Unë nuk kam qenë duke u ndjerë mirë, nuk ishte një vend që unë doja të isha, që ta përfundoja punën time me lehtësi dhe besim”, tha Trubridge pasi e theu rekordin botëror të zhytjes.

Ai ka thënë se do të tentoj një rekord të ri botëror në Bahamas të martën në mëngjes.

Zhytja e tij, prej 122 metrave ia kalon edhe gjatësisë së Statujës së Lirisë apo monumentit britanik Big Ben. /Insajderi.com