Një lokal i gastronomisë është përfshirë nga zjarri pasditen e së dielës në magjistralen Kaçanik-Ferizaj.

Lajmin për Gazetën Insajderi e ka bërë të ditur zëdhënësi i Policisë për rajonin e Ferizajt, Kanun Veseli. Ai ka thënë se në bazë të dhënave fillestare, zjarri dyshohet të jetë hapur si pasojë e djegies së disa gomave jashtë lokalit.

“Sipas të dhënave fillestare, dyshohet se zjarri ka filluar nga djegia e disa gomave të vendosura jashtë lokalit, e më pas zjarri është përhapur duke përfshirë një lokal të gomisterisê, një pjesë të një lokali tjetër (me dëme të vogla), si dhe një pjesë të një shtëpie përreth”, ka thënë Veseli.

Zëdhënësi i policies tutje ka bërë të ditur se dëmet vlerësohen të jenë rreth 20 mijë euro dhe se paraprakisht është njoftuar KEDS për të ndërprerë furnizimin me rrymë, me qëllim të parandalimit të rrezikut të mëtejshëm.

Hetimet lidhur me rastin janë në proces, sipas Veselit. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!