Një zjarr i madh ka ndodhur gjatë natës në një ndërtesë në rrugën ”Latimer” në perëndim të Londrës. Siç raporton BBC dëshmitarët okularë pretendojnë se njerëzit janë të bllokuar në objektet e tyre.

”Zjarri në Grenfell Tower në Estate West Lancaster u raportua në orën 00:54 dhe rreth 200 zjarrfikës janë ende duke luftuar flakët”, raporton BBC.

Policia ka bërë të ditur se njerëzit po trajtoheshin për “një sërë lëndimesh”.

Shërbimi spitalor  në Londër raporton se 30 njerëz kanë kërkuar trajtim mjekësor, derisa ka bërë të ditur se një person dyshohet se ka mbetur i ngujuar brenda objektit të ndërtesës së tij.

”Shumica e të evakuuarve pohojnë se janë zgjuar me bërtima dhe me nxehtësi të madhe dhe në erë të plastikës së djegur”, raporton Daily Mail.

Po ashtu raportohet se zjarrëfiksit janë duke luftuar zjarrin për disa orë dhe përderisa intensiteti i zjarrit po normalizohet ka frikë se ndërtesa mund të shembet.