Sot në Brezovicë, një hotel është djegur i tëri.
Një nga zjarrfikësit që ndodhet në vendin e ngjarjes ka bërë të ditur dhe se vendi i zjarrit është lokalizuar, por, sipas tij, pritet të shembet ndërtesa për arsye se është e djegur pjesërisht.
Zëdhënësi i policisë për rajonin e Ferizajt, Kanun Veseli, tha se nuk ka të lënduar nga ky zjarr, ndërsa dëmet materiale janë të konsiderueshme.
“Sot rreth orës 10:15 kemi pranuar një informatë për një zjarr ku është përfshirë një restorant/hotel në Brezovicë. Ekipet e zjarrfikësve dhe policia kanë arritur menjëherë në vendin e ngjarjes. Zjarrfikësit po punojnë për të lokalizuar dhe shuar zjarrin, ndërsa policia po bënë sigurimin e zonës përreth. Aktualisht, nuk ka raportime për të lënduar, ndërsa dëmet materiale janë të konsiderueshme”, tha Veseli.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
