Të paktën 30 persona janë dërguar në spital, pas një zjarri të madh që është hapur në një kullë, në perëndim të Londrës

Claire Heald nga BBC raporton se ende katet e larta janë të ndezura.

“Tymi i pistë është duke u ngritur në qiellin e Londrës, 10 kate të larta të kullës janë akoma të ndezura” raporton BBC.

Policia dhe shërbimet emergjente kanë bllokuar në tërësi zonën ndërsa banoret janë evakuuar.

“Policia dhe shërbimet emergjente kanë mbyllur zonën dhe njerëzit janë duke qëndruar në rrugë duke parë zjarrin. Disa janë nisur për në punë. Disa janë ende të veshur me pizhame. Helikopteri është lartë dhe zjarrfikësit po shkojnë drejt nga ndërtesa e djegur”, raporton BBC.

Një zjarr i madh ka kapluar në orët e mesnatës ndërtesën Grenfell, duke lënë të plagosur rreth 30 njerëz. Nuk dihet ende shkaku i këtij zjarri, por policia dhe të gjitha ekipet emergjente janë në vendin e ngjarjes.