Një zjarr i përmasave të konsiderueshme ka përfshirë një pjesë të një objekti në fshatin Uglar të komunës së Zubin Potokut, në orët e para të mëngjesit të së dielës.

Sipas njoftimit të Policisë së Kosovës, rasti është raportuar rreth orës 04:30, ndërsa njësitë policore dhe ato të zjarrfikësve janë përgjigjur menjëherë, duke arritur ta lokalizojnë dhe shuar zjarrin.

Zjarri ka përfshirë një kat të objektit, i cili më herët kishte shërbyer si shtyp-shkronjë.

Si pasojë, janë shkaktuar dëme materiale të konsiderueshme, por fatmirësisht nuk janë raportuar persona të lënduar.

Rasti po trajtohet nga Njësia e Hetimeve Rajonale në kuadër të Drejtorisë Rajonale të Policisë në Mitrovicë Veriore. Po ashtu, është angazhuar edhe eksperti i zjarreve për të përcaktuar shkakun e zjarrit.

Me urdhër të Prokurorit të Shtetit, është iniciuar rasti penal “Shkaktim i rrezikut të përgjegjshëm”, ndërsa hetimet janë në vazhdim.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!