Të gjithë lojtarët e kombëtares së Zvicrës do të marrin pjesë në stërvitjen taktike të enjten.

Kapiteni Granit Xhaka është ende në përfundim të një programi special të stërvitjes.

Megjithatë, Xhaka do të marrë pjesë në një pjesë të seancës stërvitore të enjten, e cila është e mbyllur për publikun dhe më pas do t’i rikthehet ushtrimeve të fitnesit, shkruajnë mediat në Zvicër.

Ruben Vargas, i cili së fundmi po ashtu ka ndjekur një program individual, po i rikthehet plotësisht stërvitjeve.

Edhe para ndeshjes së 1/16-tës kundër Italisë, Xhaka u ankua për probleme fizike. Megjithatë, një skanim i kryer në fillim të javës nuk tregoi për dëmtim serioz të mesfushorit.

Zëdhënësit e federatës zvicerane gjithmonë kanë pohuar se Xhaka nuk është në rrezik për ndeshjen kundër Anglisë.

Stërvitja përfundimtare e Zvicrës do të zhvillohet të premten në Shtutgart. Pasdite, ekipi do të udhëtojë për në Dyseldorf, ku të nesërmen në orën 18:00 do të zhvillohet çerekfinalja kundër Anglisë.