Zymer Bytyqi ka disa muaj që ka mbetur lojtar i lirë pas largimit nga Antalyaspor.

Sulmuesi kosovar nuk ishte paguar disa muaj nga Antalyaspor dhe vendosi ta dërgoj çështjen në FIFA.

Shtëpia më e madhe e futbollit botërorë i dha të drejtë Bytyqit që shkëputi në mënyrë të njëanshme kontratën për të mbetur lojtar i lirë.

Megjithatë e ardhmja duket shumë më e mirë për sulmuesin anësorë, pasi mund të transferohet në La Liga.

Mediumi spanjoll Ficherio ka raportuar se Bytyqi mund të transferohet te skuadra e madhe spanjolle Sevilla që bën pjesë në La Liga.

Drejtori sportiv i Sevillas, Victor Orta tha ditë më parë se synimi i klubit është të angazhojë lojtarë të lirë pasi gjendja financiare nuk është më e mira.

Menaxheri i kosovarit, Jim Solbakken është në bisedime me drejtuesit e klubit spanjoll dhe marrëveshja mund të arrihet në ditët e ardhshme.

27-vjeçari ka një karrierë të pasur pasi ka luajtur edhe për Red Bull Salzburg, Viking, Konyaspor dhe Olympiacos.

Ai sezonin e fundit në 34 ndeshje realizoi dy gola dhe asistoi në katër të tjerë. /Telegrafi/