Futbolli sapo e humbi edhe zyrtarisht një nga mesfushorët më të mirë në histori.

Tashmë, Andres Iniesta ka njoftuar edhe publikisht se ka marrë vendimin më të rëndë për çdo futbollist.

Spanjolli ka bërë me dije se është pensionuar nga futbolli aktiv, pas një karriere të pasur me trofe e suksese të njëpasnjëshme.

40-vjeçari së funmi ishte pjesë e Emirates Club në Emiratet e Bashkuara Araba, teksa në karrierën e tij, më së shumti u njoh për paraqitjet me fanellën e Barcelonës.

Në Kataluni, Iniesta u formësua si lojtar, teksa 16 vjet u paraqit me ekipin e parë të Barçës.

Pesë vjet të tjera i kaloi te Vissel Kobe në Japoni, ku edhe aty nuk i munguan sukseset.

Me Barcelonën, Iniesta fitoi 32 trofe, prej tyer katër herë Ligën e Kampionëve  e nëntë herë La Ligan.

Iniesta u tregua i suksesshëm edhe me Spanjën, të cilës ia fitoi Kupën e Botës më 2010 me golin e tij në vazhdime ndaj Holandës.