Shtëpia e futbollit evropian, UEFA ka konfirmuar se ndeshja Serbi – Shqipëri nuk do të luhet në Beograd, por në një lokacion tjetër.

UEFA e ka miratuar kërkesën e Serbisë, që ndeshja me Shqipërinë të zhvendoset nga “Rajko Mitic” në Leskovc, në stadiumin “Gradski stadion Dubocica”.

Kjo kërkesë e Serbisë vjen si pasojë e ‘urdhërave’ të presidentit të vendit, Aleksandar Vucic, sipas raportimeve nga Serbia.

Kjo kërkesë e Vucicit erdhi pasi në ndeshjen e kaluar ndaj Anglisë në Beograd, kishte thirrje kundër tij, dhe për t’i ‘qetësuar’ kundërshtarët e tij, ai vendosi për një stadium më të vogël.

Stadiumi në Leskovc ka vetëm tetë mijë ulëse, në krahasim me stadiumin “Rajko Mitic” që ka pothuajse 40 mijë.

Ndeshja Serbi – Shqipëri do të luhet më 11 tetor, me ndeshjen që i përket kualifikuesve për Botërorin e vitit 2026.

Ndeshja e parë mes këtyre dy kombëtareve në këtë grup kualifikues përfundoi 0-0 në “Air Albania” gjatë muajit qershor.

Shqipëria është në vendin e dytë momentalisht me tetë pikë të grumbulluara pas pesë ndeshjeve. E para është Anglia me 15 pikë nga pesë ndeshje. Ndërsa, Serbia është e treta me shtatë pikë, por me një ndeshje më pak.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!