Komisioni Qendror i Zgjedhjeve (KQZ) në mbledhjen e sotme ka certifikuar rezultatin përfundimtar të zgjedhjeve në Komunë e Kllokotit, kjo pas refuzimit të ankesës së Listës Serbe nga Gjykata Supreme.
“Ne sot kemi pranuar vendimin prej Gjykatës Supreme të cilën e ka refuzuar ankesën e Listës Serbe. Andaj ka marrë fund edhe procesi ankimor për Komunën e Kllokotit. Atëherë për kryetar komune në raundin e dytë do të shkojnë kandidatët Vladan Bogdanović nga subjekti politik Serbska Lista me 41,01% dhe Strahinja Spasić nga subjekti politik Serbska Nagsllogq GI Srpska Narodna Sloga – GI SNS me 36.33%. Me tetë vota për certifikohet rezultati për kryetar komune në Kllokot”, tha kryetari i KQZ-së, Kreshnik Radoniqi.
Kllokoti është komuna e vetme me shumicë serbe që shkon në balotazh.
Në mbledhjen e sotme u vendos që të zgjatet afati për regjistrimin e personave me nevoja të veçanta deri më 9 nëntor. Kjo erdhi me propozimin e anëtarit të Vetëvendosjes në KQZ, Sami Kurteshi.
Radoniqi: Shtyhet deri më 9 nëntor afati për regjistrim e personave me nevoja të veçanta
“Shtyhet deri më deri më 9 nëntor afati për regjistrimin e personave me nevoja të veçanta me tetë vota për miratohet ky propozim”, tha Radoniqi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
