Ministrja e Shëndetësisë dhe Mbrojtjes Sociale, Orgerta Manastarliu thotë se mjekët dhe infermierët e repartit të Djegie-Plastikës në QSUT të Tiranës po bëjnë maksimumin për t’u kujdesuar për familjen e lënduar nga shpërthimi i një bombole në një hotel të Velipojës.

“Mjekët dhe infermierët në reanimacionin e repartit të Djegie-Plastikës në QSUT, po bëjnë maksimumin për t’u kujdesur për familjen e lënduar në ngjarjen e rëndë në Velipojë. Stafi ynë po bën më të mirën, duke e trajtuar nënën dhe fëmijët me terapinë e plotë të mjekimit, por situata mbetet tejet kritike”, ka shkruar ministrja Manastarliu.

Në mëngjesin e kësaj të diele në një hotel në Velipojë shpërtheu bombola ku u lëndua nëna dhe tre fëmijët e saj.