Në sheshin “Skënderbej” në Tiranë ka filluar përgatitja e ambienteve për procesin e vaksinimit masiv me vaksinën kineze duke filluar me të moshuarit mbi 70 vjeç.

Vaksinimi masiv në Tiranë do të nis për të moshuarit mbi 70-vjeç, ndërsa ata janë lajmëruar nga qendrat shëndetësore sipas rendit alfabetik.

Deri më tani kanë mbërritur 192 mijë doza të vaksinës Sinovac ndërsa pritet sipas objektivave të qeverisë që brenda muajit qershor të vaksinohen 1.2 milionë shqiptarë.

Ndërkohë në një intervistë për gazetaren e Top Channel, Kristi Gongo, ministrja Manastirliu ka thënë se synohet që të arrihet shifra e 10-15 vaksinimeve në ditë.

“Tashmë po ngrihen dy stenda të mëdha që do kryhet vaksinimi masiv për një grupmoshë kemi ambicien për të bërë 10 mijë vaksinimi ne ditë në të gjithë Shqipërinë. Përveç vaksinimi +80. Edhe për ata +70 do vijojnë vaksinimi. Tirana është e madhe dhe e populluar. Ajo që ndodh në qendrat shëndetësore. Kemi nevojë të shtrihemi edhe më tej. Nga 10-15 mijë vaksinime në ditë. Kemi arritur që të kemi një numër të mirë vaksinash. Mënyra që do të lajmërohen nga mjeku i familjes për tu futur në listë do të jetë nga mjeku i familjes. Aty do të trokas qytetari. Ai do jetë lajmësi sipas rendit të moshës. Edhe të mundet të aplikojnë dhe të dinë datën e vaksinimit të bëjnë kërkesë. Nga dita e hënë do të jetë tek “E Albania” për kërkesë për vaksinimi. Kemi ecur sipas grupmoshave. Mjekët, mësuesit dhe pedagogët apo edukatorët. Pika tjetër është vijimi me grupmosha. Do të zbresim në ditët në vijim.”, tha ai.

Manastirliu ndër të tjera ka thënë për Top Channel se të hënën do të firmoset një marrëveshje për 11 milion euro grant për lëvrimin e vaksinave që mbulon BE.

“Lajmi i mirë pritet që BE të jap për rajonin 651 mijë vaksina të Pfizer, Përgjatë muajit prill firmosim të hënën marrëveshje 11 milion euro grant. Për sa i përket procesin e vaksinimi që BE mbulon. Parashikon një shpërndarje vaksine sipas popullatës. Rrit sasinë e vaksinave. Po në prill jemi në pritje të marrëveshjes me Pfizer apo me Covax. Po ashtu edhe me Sinovac.” ka thënë Manastirliu për Top Cahnnel.