Shkruan: Kenan Gashi

Në administratën shtetërore, si në nivelin qendror (ministritë, agjencitë) ashtu edhe në atë lokal (komunat), shpesh vihet re një neglizhencë e theksuar nga ana e zyrtarëve publikë.

Një shqetësim i madh është fakti se shumicën e zyrtarëve të nivelit qeveritar shpesh nuk mund t’i takosh fare. Arsyeja kryesore është se ata nuk ndodhen në zyrat e tyre, dhe edhe kur janë të pranishëm, shpesh nuk janë efikasë në punën e tyre.

Qytetarët, organizatat e shoqërisë civile dhe mediat hasin vështirësi të mëdha për të marrë përgjigje në kohën e duhur për kërkesat, ankesat apo pyetjet e tyre. Kjo mungesë transparence dhe përgjegjësie dëmton besimin e publikut në institucionet shtetërore.

Më shqetësuese se kaq është fakti se nuk ekziston një sistem i qartë llogaridhënieje për këta zyrtarë. Ata nuk përballen me pasoja për neglizhencën e tyre dhe nuk ndiejnë asnjë përgjegjësi ndaj tatimpaguesve, të cilët financojnë pagat e tyre.

Përjashtim bëjnë disa sektorë që kanë kontakte të vazhdueshme me palët, por edhe aty mungon një sistem i qartë dhe i drejtë vlerësimi bazuar në meritë, administrata publike vazhdon të mbetet e ngadaltë, e paorganizuar dhe larg pritshmërive të qytetarëve.

Kjo situatë kërkon ndërhyrje urgjente për të përmirësuar efikasitetin dhe llogaridhënien në administratën publike.

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...