Dhjetë persona janë lënduar si pasojë e një aksidenti që ka ndodhur dje në fshatin Novolan të Vushtrrisë.

Të lënduarit janë dërguar për tretman mjekësor, derisa me vendim të prokurorit rasti është në procedurë hetimore.

Aksidenti ka ndodhur mes tre automjeteve, me ç’rast janë shkaktuar edhe dëme materiale.

Njoftimi i Policisë së Kosovës:

Fsh. Novolan, Vushtrri 20.08.2023-17:30. Raportohet për një aksident trafiku në mes tre automjeteve me ngasës meshkuj kosovarë. Përveç dëmeve materiale lëndime trupore kanë pësuar 10 (dhjetë) persona të cilët kanë pranuar tretman mjekësor. Lidhur me rastin është njoftuar prokurori, rasti në procedurë hetimore.