Një person i armatosur ka marrë peng 15 persona në një supermarket në një lagje të Brukselit në Belgjikë.

Në vendngjarje ndodhet policia, ndërsa nuk dihen shkaqet e sakta të kësaj ngjarje.

Sipas mediave lokale, autori tentoi të grabiste supermarketin, por diçka shkoi keq dhe kërcënon duke mbajtur peng 15 qytetarë.

Një dëshmitar okular i  tha VRT, një kanal televiziv lokal se incidenti ka ndodhur rreth orës 19:00, në supermarket “Kerfur”, duke pretenduar se autori mbante një thikë.

Mediat lokale thonë se kjo nuk ishte një akt terrorist, por ata dyshojnë në grabitje, ndërsa bota dridhet në pritje të informacionit të ri.

Sipas informatave të konfirmuara zyrtarisht për mediat e huaja, policia ka kapur rrëmbyesit e supermarketit brenda pak minutash.

Edhe pse nuk ka pasur indikacione se incidenti ishte i lidhur me terrorizëm, policia dhe banorët e Brukselit janë në vëzhgim për incidente të mundshme në vende publike, pas sulmit në aeroport dhe në stacionin hekurudhor në Bruksel, në mars të këtij viti.