![](https://insajderi.org/wp-content/themes/insajderi-org/logo/menu-insajderi.png)
Edhe njëherë tjetër shpëtimtar i Barcelonës ishte sulmuesi Luis Suarez, i cili shënoi dy herë në këtë takim.
Ndërsa në anën tjetër protagonist absolut i këtij takimi ishte Fernando Torres, i cili u ndëshkua me dy karton të verdhë brenda 5 minutash, në të 29’-tën dhe 35-tën derisa vetëm katër minuta më parë kishte shënuar për t’i dhënë avantazhin skuadrës së tij.
Barcelona iu fal edhe njëherë uruguaianit të rrezikshëm, Luis Suarez, që shënoi në minutën e 63-të për barazimin e rezultatit, teksa vetëm 10 minuta më vonë shënoi për përmbysjen e plotë të sfidës pas një aksioni model të blaugranëve.
Atletiko edhe njëherë tjetër tregoi se është një nga skuadrat më të mira të Evropës, pasi edhe pse me 1 futbollist më pak për rreth 60 minuta arriti t’i rezistoi fuqisë sulmuese të Barçës.
Me këtë fitore Barcelona hedh një hap të rëndësishëm për gjysmëfinalet e Ligës së Kampionëve, por Atletiko mbetet fuqishëm në lojë për kualifikim. /Insajderi.com