Një influencere e zgjuar ka treguar përmes një videoje në TikTok se mund të bësh pushime në Maldive edhe me pak para.

Pushimet në Maldive janë kryesisht të kushtueshme diku 4,000 euro për person për një qëndrim dyjavor, ku përfshihet transporti, akomodimi, ushqimi dhe disa aktivitete. Çmimet variojnë edhe ku qëndroni dhe periudhën se kur shkoni.

Sidoqoftë, një influencere e njohur si Kara ka ndarë disa truke se si të bëni pushime të lira në ishullin përrallor.

Duke ndarë përvojën e saj një-ditore, ajo ka treguar hap pas hapi shpenzimet e saj dhe lehtësisht mund të fitoni edhe ju nga përvoja e saj.

Kara tha se iu deshtë 24 orë të udhëtonte me aeroplan nga Mbretëria e Bashkuar për në Male, kryeqyteti i ishujve Maldive.

Ajo tha se për t’i kushtuar më lirë pushimi, rezervoi një dhomë hoteli në njërin prej ishujve lokalë duke qenë se në ishujt turistikë është dukshëm më shtrenjtë.

Britanikja bashkë me shoqen e saj, udhëtuan nga kryeqyteti Male për në ishullin Thulusdho.

Kara potencoi se shumica e njerëzve do të merrnin hidro-aeroplan dhe skaf për shkuar në ishujt e tyre, por ky do të ishte opsion më i shtrenjtë.

Megjithatë, ajo dhe mikja e saj ndërruan dy tragete lokale për të shkuar deri te destinacioni i tyre tek ishulli Thulusdho ku kishin rezervuar hotelin.

Duke qenë se përdorën tragetin e parë nga aeroporti në qendër të qytetit Male, ato duhet të prisnin disa orë për tragetin e radhës që do t’i çonte tek hoteli.

Gjatë pritjes hëngrën një vakt në Burger King që i kushtoi 8.28 euro.

Kara thotë se iu deshën dy orë që të udhëtonte me traget lokal në ishullin Thulusdho derisa me një skaf dikush mund të shkonte për gjysmë ore; bileta për traget ishte 1.40 cent.

Britanikja më pas tha se stafi i hotelit erdhi për t’i marrë në terminalin e tragetit. Hoteli që kishin rezervuar ishte buzë detit, dhe nata për person ishte 33 euro. Në këtë çmim përfshihej taksa dhe mëngjesi.

Influencerja pas kësaj hëngri darkën ku i kushtoi 7.69 euro. Pra, për një ditë ajo harxhoi vetëm 49.28 euro.

@okay.kara.travels Day 1 of budget travel in the Maldives has (thankfully😅) been a massive success 🎉 Did you know you can travel The Maldives on LESS THAN £50 a day🤯🤯 Ive also included a full breakdown of what we spent today & tips on using the local ferries! #maldives #maldivesislands #thulusdhoo #maldivesonabudget #budgettravel #budgetbackpacking ♬ son original – The King of funk