×
  • Lajme
  • Lajme

    Vazhdon të shtyhet vizita e komisionarit Avramopoulous

    Insajderi
    18 February 2016 - 14:49
    Klikoni Këtu për t'u bërë pjesë e kanalit të Insajderit në Youtube.

    Për vizitën që sipas Ministrisë së Punëve të Brendshme do të bëhej për të konstatuar bashkërisht me institucionet kosovare progresin për liberalizimin e vizave,  nuk jep ndonjë informacion as Zyra e Bashkimit Evropian në Kosovë.

    “Sa i përket kësaj vizite, ne nuk mund të konfirmojmë ende asnjë datë,” ka qenë përgjigja e shkurtë nga kjo zyre.

    Vizita e komisionarit Avramopoulos konsiderohet të jetë e rëndësishme për rrugën e Kosovës drejt liberalizimit të vizave.

    Ministri i Integrimeve Evropiane, Bekim Çollaku, kishte thënë në janar se vizita e tij do t’i hapë rrugë “procedurave për heqjen e vizave.”

    Vizitën e tij në Kosovë gjatë muajit janar e kishte paralajmëruar Ministri i Brendshëm, Skënder Hyseni.

    Ministria e Punëve të Brendshme nuk ka dashur të komentoj për paralamërimin që ka bërë. Ka thënë se është përgjegjëse Ministria e Integrimeve.

    Ndërsa zyrtarët e Ministrisë së Integrimeve kanë deklaruar se pyetjet duhet t’i adresohen zyrës së BE-së në Prishtinë.

    Në anën tjetër, Zyra e BE-së në Kosovë ka ripërsëritur se heqja e vizave për kosovarët do të bëhet vetëm atëherë kur të përmbushën të gjitha kriteret e paraqitura nga Komisioni Evropian.

    “Ashtu siç ishte thënë nga Komisioni [Evropian] në dhjetor të vitit të kaluar kur ishte aprovuar raporti final për progresin e Kosovës në përmbushjen e kritereve për liberalizimin e vizave, vizat për qytetarët e Kosovës do të hiqen atëherë kur të plotësohet të gjitha kriteret” thuhet nga Zyra e BE-së.

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark