×
  • Lajme
  • Lajme

    Opsioni i opozitës – shatorë në shesh për të kundërshtuar Thaçin

    Insajderi
    22 February 2016 - 12:25
    Klikoni Këtu për t'u bërë pjesë e kanalit të Insajderit në Youtube.

    Burime të Insajderit kanë treguar se ata do të qëndrojnë aty deri më 7 mars, kur është afati i fundit për zgjedhjen e presidentit të ri, ose në të kundërtën vendi shkon automatikisht në zgjedhje të jashtëzakonshme.

    Përfaqësues të partive opozitare nuk kanë dashur të komentojnë shumë rreth kësaj çështje, por nuk kanë mohuar se kanë marrë vendim për vendosjen e shatorëve në sheshin Ibrahim Rugova.

    “Ne si opozitë e bashkuar, në të gjitha format që mundemi për të mos lejuar mbajtjen e seancave të rregullta, qoftë brenda parlamentit qoftë jashtë”,  ka thënë Ahmet Isufi, nënkryetar i AAK-së.

    I pyetur nëse rezistenca nga jashtë nënkupton vendosjen e shatorëve, Ahmeti ka thënë se “kjo do të jetë çështje e organizimit të opozitës”.

    “Ne jemi në konsultime se si do të veprojmë. Ende jemi në konsultime”, ka thënë ai.

    Në anën tjetër, edhe Tinka Kurti, zyrtarë për informim në Vetëvendosje, ka thënë se janë dukë u përgatitur “format e kundërshtimit qytetar.”

    Por ajo ka thënë se “ende nuk kemi vendosur për këto forma.”

    Që nga gushti i vitit të kaluar, partitë opozitare kanë organizuar një numër protestash në kundërshtim të dy marrëveshjeve të arritura nga ana e Qeverisë së Kosovës: marrëveshja për themelimin e asociacionit të komunave me shumicë serbe dhe ajo për demarkacionin me Malin e Zi.

    Përveç protestave, opozita nuk ka lejuar zhvillimin normal të punës së Kuvendit të Kosovës, ku në cdo seancë është hedhur gaz lotsjellës. /Insajderi

    OP-ED
    Nga Rubrika
    Lajme
    24 July 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark