Për shefin e grupit parlamentar të Aleancës për Ardhmërinë e Kosovës, Pal Lekaj, arrestimi i liderit të partisë së tij, Ramush Haradinaj në Francë është bërë në kohën kur është ftuar në inaugurimin e Donald Trumpit si president i Shteteve të Bashkuara të Amerikës.

“Ramush Haradinaj u arrestua në kohën kur pranoi ftesë nga presidenti i zgjedhur i ShBA-së”, ka thënë Lekaj në emisionin “Politikë” në Tribuna Channel.

Por për vet liderin e AAK-së, një pretendim i tillë është konspiracion.

I pyetur nëse ndalimi i tij lidhet me ftesën e presidentit amerikan Donald Trump, Haradinaj ka dhënë një koment interesant.

“Nuk muj me hy ne krejt këto konspiracione. Për mu ka qenë nderë i madh ftesa për inaugurimin e presidentit Trump, presidentin e Amerikës, 45tin e zgjedhur dhe shpresoj që në të ardhmen e afërt të kem mundësinë me shku në Amerikë”, ka thënë Haradinaj.

Në një intervistë për Interaktiv, Haradinaj nuk ka pranuar të komentojë deklaratat e presidentit Hashim Thaçi, se në inaugurimin e presidentit Trump nuk është ftuar askush zyrtarisht nga Kosova dhe se të ftuarit e proklamuar i kanë blerë ftesat./Insajderi.com

Lexoni në Insajderi edhe #DosjaGrande

[arve url=”https://www.youtube.com/watch?v=jMGxdadMk-s&list=PLIKGlbXyvgfjg89cYApXRQ78Ul9rI_sNM”/]