Kreshnik Podvorica, vëllai i xhihadistit kosovar që më 2017 kishte vdekur në një sulm kamikaz në Siri, është arrestuar sot në Prishtinë.

Sipas njoftimit të Prokurorisë Speciale të Kosovës, Kreshnik Podvorica u arrestua të mërkurën nën dyshimin për veprat penale “Shtytja për kryerjen e veprave terroriste” dhe “Shtytja për kryerjen e veprave terroriste në vazhdim”.

“Me urdhër të Prokurorisë Speciale të Republikës së Kosovës, është ndaluar një (1) person me inicialet K.P., për veprat penale ‘’Shtytja për kryerjen e veprave terroriste’’ nga neni 134 të KPRK-së, përkatësisht ‘’Shtytja për kryerjen e veprave terroriste në vazhdim’’ nga neni 134 lidhur me nenin 77 të KPRK-së”, thuhet në njoftim.

I arrestuari është vëllai i Blerim Podvoricës, xhihadistit kosovar që kishte ndërruar jetë në një sulm kamikaz kundër ushtrisë së Bashar Al Assadit në Siri, më 2017.

Vdekjen e Blerim Podvoricës e kishte konfirmuar vëllai i tij, i arrestuari i sotëm, Kreshnik Podvorica, përmes Facebook-ut.

“E për ata që u mbytën në rrugën e All-llahut mos thoni janë të vdekur jo ata janë të gjallë por ju nuk kuptoni”, citonte një ajet të Kur’anit, vëllai i të vrarit, derisa jepte njoftimin për vdekjen e tij.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!