Policia ka arrestuar një shtetas të Maqedonisë së Veriut, i cili ka mashtruar një kosovar duke i marrë para në këmbim të rregullimit të dokumenteve të udhëtimit.
Policia ka bërë të ditur se 33-vjeçari i dyshuar ia kishte marrë viktimës 3 mijë e 600 euro.
“Policia ka arrestuar personin e dyshuar me inicialet Z.A , mashkull , shtetas i Maqedonisë së Veriut, i moshës 33 vjeçar, i cili kishte mashtruar personin tjetër me inicialet A.R ( M/K) i moshës 30 vjeçar, ku në këmbim të rregullimit të dokumenteve të udhëtimit i kishte marr një shumë të caktuar të hollave ( 3600 euro)”, ka bërë të ditur policia.
Rasti ka ndodhur dje në mesiditë në Ferizaj, ku i dyshuari pas intervistimit është dërguar në mbajtje.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
