Deputeti i PDK-së, Elmi Reçica gjatë qëndrimit të tij në Zvicër, ka vizituar nëndegën e kësaj partie në Basel ku ka prezantuar vizionin e ri të PDK-së për koordinimin e ngushtë me diasporën.
Përmes një postimi në Facebook, ai ka njoftuar se në këtë takim ishte i pranishëm edhe Ragip Xhaka, babai i dy futbollistëve të njohur që bashkë me shokët e tyre anembanë botës janë ambasadorët më të mirë të Kosovës.
“Qytetarët tanë në diasporë çdo ditë po integrohen më shumë në vendet më demokratike perëndimore, duke u arsimuar në shkollat më prestigjioze, duke hapur biznese të suksesshme të cilat kanë potencial të veprojnë edhe në Kosovë.”, shkruan Reçica.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
