Kryetari i Komunës së Obiliqit, Xhafer Gashi, ka reaguar ndaj deklaratës së kryeshefit ekzekutiv të KEK-ut, z.Nagip Krasniqi, i cili në media ka prezantuar ndërtimin e një parku solar, ku edhe në këtë vit KEK paska planifikuar projekte pa konsultime me komunën ku operon kjo korporatë. Sipas drejtorit të KEK, z.Nagip Krasniqi, i cili edhe e paska bërë publike një gjë të tillë, mes tjerash, ka theksuar rëndësinë që duhet kushtuar projekteve për energjinë, por askund nuk qenka kujtuar të theksoj rëndësinë e shëndetit të banorëve të Obiliqit dhe të pakten ta ndjej obligim përmirësimin e gjendjes mjedisore e ambientale në Obiliq.

Përmes reagimit të tij Kryetari Gashi, ka bërë të ditur se KEK-u, nuk respekton e as nuk realizon asnjë obligim ndaj qytetarëve të Obiliqit që përcakton Ligji për Obiliqin, lidhur me këtë gjatë ditës sotme komuna e Obiliqit ka drejtuar shkresat si në Qeverinë e Republikës së Kosovës ashtu edhe në ministritë e atakuara me Ligjin për Obiliq, e po ashtu edhe në menaxhmentin dhe bordin drejtues të KEK, prandaj për mos përfillje, do të ndjekim rrugët ligjore.

Reagimi i plotë i kryetarit Gashi:

“Reagim

(Lidhur me deklaratën e kryeshefit ekzekutiv të KEK-ut, z.Nagip Krasniqi)

Në deklaratën e tij të dhënë në Gazetën Express, z.Krasniqi paska bërë të ditur ndërtimin e një parku solar, si kryetar i komunës së Obiliqit, jam shumë i interesuar të dije se ku do ndërtojë një park të tillë, pa realizuar asnjë takim të vetëm që nga marrja e mandatit me institucionet e nivelit lokal, respektivisht në komunën ku operon Korporata Energjitike e Kosovës, e që si institucion nuk respekton e as nuk realizon asnjë obligim ndaj qytetarëve të Obiliqit që përcakton Ligji për Obiliqin.

Komuna e Obiliqit, mirëpret projekte e planifikime, por nuk lejon në asnjë formë realizimin e projekteve pa njoftuar të gjithë komunitetin. Komuna e Obiliqit, është institucion i vënë në shërbim të qytetarëve dhe në mbrojtjen e të drejtave të tyre, prandaj mirëpret dhe kërkon bashkëpunim nga Korporata Energjitike e Kosovës për këtë çështje si dhe gjatë ditës së sotme  kemi adresuar një kërkesë për obligimet e tyre të papërfunduara karshi qytetarëve të Obiliqit që i obligojnë ligjet në fuqi, ne jemi në pritje të një përgjigjeje brenda afateve në të kundërten do ndjekim veprimet dhe rrugët tjera ligjore.

Xhafer Gashi”

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman