Pas intervistës së ish-kryetarit të Gjykatës Kushtetuese, Enver Hasani për Gazetën Insajderi, ka reaguar analisti Shkëlzen Gashi duke e ftuar në një përballje televizive.
Në intervistën për Insajderin, Hasani ka shpejguar në detaje pse ai është kundërshtuar nga Shkëlzen Gashi kur ka thënë se Xhafer Deva e ka shtyrë përpara agjedën naziste.
Hasani po ashtu ka treguar se ka dërguar jashtë vendit për studime Shkelzen Gashin.
“Dikur e në një kohë, vitet e pasluftës, pas përgjërimeve të shumta që mi patë bërë, e kam pas dërguar jashtë vendi për të bërë një master, siç kam dërguar plot të tjerë, të rinjë e të reja që sot janë mirënjohës ndaj meje pafund. Kjo është arsyeja e parë që ai përdorë rrugaçërinë dhe stilin huliganesk për të më kundërshtuar mua, thjesht për të mbytur frikën nga unë”, ka thënë Hasani.
E në reagimin që ka bërë Shkezen Gashi askund nuk e ka mohuar një gjë të tillë. Po ashtu, Gashi nuk ka komentuar këtë as kur është pyetur nga Gazeta Insajderi.
Në reagimin e tij Gashi i ka kërkuar që të përballet në një emision live me të.
Gashi dhe Hasani u përfshin në një ballafaqim në distancë me njëri-tjetrin javën e kaluar. Debati mes tyre ndërlidhej me figurën e Xhafer Devës.
Intervista e plotë:
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
