Pas raportimit të Insjaderit se Sami Lushtakun e kanë vizituar në QKUK njerëz pa autorizim përfshirë edhe Sabit Gecin, ka reaguar avokati i Gecit duke thënë se krejt ky takim ishte rastësi.

Avokati Haxhi Millaku përmes një reagimi ka thënë se ky takim nuk ka qenë i planifikuar pasi që në atë dhomë bëhen kontrollet e rregullta të Sabit Gecit dhe ditën kritike kishte qen në kontroll edhe Lushtaku.

“Lidhur me takimin e rastësishëm të z.Geci me Z.Lushtaku në dhomën e Spitalit në QKUK në Prishtinë, ishte rastësi sepse në atë dhomë bëhen kontrollet e rregullta të z.Geci dhe ditën kritike kishte qenë në kontroll edhe z.Lushtaku”, thuhet në reagimin e Millakut.

Insajderi ka zbuluar se e vërteta për kthimin e Lushtakut në burg ka qenë vizita e Sabit Gecit, i dënuar me 15 vjet për krime lufte, dhe një vizitë e një zyrtari të lartë të Qeverisë. Geci ka qenë i shoqëruar edhe nga tre persona tjerë kur e ka takuar Lushtakun në spital, teksa kryetari i Skenderajt po trajtohej për shkak të ankesave shëndetësore.

Por avokati Millaku, ka thënë se krejt këto komentime janë tendencioze.

“Çdo komentim tjetër i këtij takimi të rastësishëm është tendencioz. Kjo është dhoma e vetme e specializuar për kontrolle të sëmundjeve konkrete”, thotë Millaku.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!