Drejtori i Përgjithshëm i Policisë së Kosovës, Samedin Mehmeti është deklaruar lidhur me aksionin “Pika”, i zhvilluar sot në dy pika kufitare, Qafë Morinë e Qafë Prushë, shkruan Insajderi.

Mehmeti para mediave tha se siguria në pikat kufitare është në nivelin maksimal, teksa bëri të ditur se tashmë janë zëvendësuar zyrtarët policorë që janë arrestuar.

Mehmeti këtë deklaratë e bëri në konferencën e thirrur për media, ku edhe dhanë detaje lidhur me operacionin “Pika”, ku nën pranga u vendosën 50 zyrtarë policorë.

“Fakti që policia dhe institucionet e shtetit e kanë vullnetin që të luftojnë korrupsionin, nënkupton që ne duhet të ndihemi mirë. Nuk është ndjenjë e mirë kur korruptohen zyrtarët policorë. Ky hetim ka nisur që një vit. Siguria në pikat kufitare është në nivelin maksimal. Sot duhet të ndihemi më mirë se dje për shkak se janë arrestuar zyrtarët policorë të korruptuar, ata tashmë janë zëvendësuar”, ka thënë drejtori i policisë.

Mehmeti theksoi se puna në pikat kufitare Morinë e Prushë është duke u zhvilluar në mënyre normale.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”