Kryeministri i Kosovës, Albin Kurti, ditë më parë, në një intervistë tregoi se zyra ndërlidhëse e Rusisë në Kosovë është duke u vëzhguar nga organet e sigurisë, në kohën kur Rusia po vazhdon pushtimin e saj në Ukrainë.

Kjo zyre punën e kishte nisur në vitin 2005.

Madje, në hapjen e saj kishte marrë pjesë edhe kryeministri i atëhershëm i Kosovës Bajram Kosumi, në kohën kur vendi ynë administrohej nga Kombet e Bashkuara.

Por, cili është sot funksioni i zyrës ndërlidhëse të Rusisë në Kosovë që selinë qendrore e ka në lagjen Arbëria të Prishtinës?

Anëtari i Komisionit të Kuvendit për Çështje të Sigurisë dhe Mbrojtjes, Enver Dugolli, thotë se kjo zyrë funksionon nën ombrellën e një akreditimi pranë misionit të UNMIK-ut.

Megjithëkëtë, Dugolli shprehet se Qeveria e Kosovës nuk ka ndonjë bashkëpunim me këtë zyre.

Ai gjithashtu thekson domosdoshmërinë që aktivitetet e saj të monitorohen edhe më shumë nga organet e sigurisë.

Në anën tjetër, njohësi i çështjeve të sigurisë, Nuredin Ibishi, thotë se mbyllja e kësaj zyre nuk është në interesin e Kosovës.

Sipas tij, nëse zyrtarët e saj veprojnë kundër interesave të vendit, shteti ynë mund të marrë masa.

Së fundi, kryeministri Albin Kurti në një intervistë tregoi se kjo zyre është duke u vëzhguar nga organet e sigurisë, në kohën kur Rusia po vazhdon pushtimin e saj në Ukrainë.

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh