Ministri i Punëve të Brendshme, Xhelal Sveçla është zënë ‘ngushtë’ sot nga gazetarët në konferencën për media ku po fliste për sulmet ndaj policëve në veri të vendit.

Sveçla u pyet lidhur me punësimin e motrës së tij, Magbule Hyseni në Ministrinë e Bujqësisë për të cilin ekskluzivisht raportoi Gazeta Insajderi. Derisa gazetarja po e bënte pyetjen nga pamjet shihet se drejtorit të Policisë së Kosovës, Samedin Mehmetit i shkon buza në gazë.

Pavarësisht reagimit të Mehmetit, Sveçla e cilësoi pyetjen si ‘budallallëk’.

“Ne po flasim për një sulm terrorist e ju merreni me budallallëqe të këtilla”, tha ministri i Brendshëm përcjell Insajderi.

Gazetarja ia ktheu se s’mund të quhet budallallëk pyetja që e parashtroi.

“Nuk mund të quhet budallallëk kjo pyetje kur ju dhe partia juaj keni qenë zëri më kritik në opozitë për punësimet familjare”, tha gazetarja.

Ndërkaq, Sveçla tha se në konferencë e jashtëzakonshme që është thirrur do të flasin vetëm për sulmet ndaj policisë së Kosovës në veri.

“Të nderuar media unë veç se ju thashë që është një konferencë e jashtëzakonshme që ka të bëjë me një varg sulmesh terroriste ndaj Republikës së Kosovës dhe do të flasim vetëm për këtë”, tha ai.

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh