Deputetja e PDK-së, Blerta Deliu-Kodra në Kuvendin e Kosovës ka kërkuar shkarkimin e ambasadorit të Kosovës në Kroaci, Martin Berishaj pas skandalit që ai u përfshi në aferën financiare në Slloveni, shkruan Insajderi.

Deliu thotë se Martin Berishaj i ka shkaktuar dëmë të madh reputacionit të Kosovës me këtë skandal.

“Pas këtij skandali ai nuk do të mund të ushtroj detyrën e tij si ambasador. Shkarkimi as që duhet të diskutohet prandaj drejtësia duhet ta thotë fjalën e vet”, tha ajo.

Mos shkarkimi i tij, për Deliun është standard i dyfishtë pasi siç thotë ajo, kjo qeveri shkarkoi dike që shprehu mendimin e tij.

“Mos shkarkimi i tij paraqet një standard të dyfisht. E mbrojnë, nuk e shkarkojn një diplomat ndërsa e shkarkuan dikë vetëm pse e kanë shprehur një qëndrim në rrjetet e tyre sociale”, tha Deliu-Kodra.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur