Deputetja e Kuvendit të Kosovës nga AAK, Albana Bytyqi ka ngushlluar familjen Haxhaj për humbjen e djalit të dëshmorit Haxhi Haxhaj nga fshati Grekoc i Suharekës.

Përmes një statusi në Facebook, Bytyqi thotë se është pikëllues dhe i rëndë lajmi për vdekjen tragjike të Faton Haxhiut i cili u gjet i vdekur pranë shtëpisë së tij pasditen e së hënës.

“Fatoni ishte një djalë punëtor, i dashur e aktivist i pashembullt. Ngushëllimet më të sinqerta familjes, të afërmve dhe gjithë atyre që e njohën. Dritë të pastë shpirti Faton!”, shkruan ajo.

Zëdhënësi i Policisë së Kosovës për rajonin e Prizrenit, Vesel Gashi, ka konfirmuar rastin, teksa ka njoftuar se vdekja është cilësuar e dyshimtë.

Ai gjithashtu ka njoftuar se pas plagëve të marra, 26 vjeçari ka ndërruar jetë.

Gashi po ashtu tha se në afërsi të shtëpisë së viktimës është gjetur edhe një armë zjarri, e llojit AK-47.

Në vendin e ngjarjes kanë dalë të gjitha njësitë relevante policore, të cilat po merren me rastin.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur