Deputetë e Kuvendit të Kosovës kanë shkuar në pauzë, shkruan Insajderi.

Kryetari i Kuvendit, Glauk Konjufca ka bërë me dije se deri në orës 12:30 do të jenë në pauzë.

“Nuk ka pasur kuorum për ta votuar këtë pikë, kështu që shkojmë në pauzë”, tha Konjufca përcjell Insajderi.

Seanca e sotme ka nisur me fishkëllime e goditje të tavolinave të Kuvendit opozita duke ia vështirësuar pozitës që ta vazhdojë seancën e Kuvendit.

Krejt kjo pasi po kërkojnë fillimisht formimin e Komisionit hetimor parlamentar për t’i hetuar zhvillimet në sektorin e energjisë elektrike në Kosovë.

Ndërkohë, Partia Demokratike e Kosovës po kërkon komision hetimor lidhur me menaxhimin e krizës energjetike, për të gjitha transaksionet dhe ngritjen e çmimit të energjisë. Lidhja Demokratike e Kosovës ka deklaruar që Kuvendi nuk duhet të marrë asnjë vendim tjetër deri në themelimin e komisionit hetimor parlamentar për çështjen e menaxhimit me krizën energjetike dhe shtrenjtimin e energjisë në Kosovë.

Edhe Aleanca për Ardhmërinë e Kosovës e ka mbështetur kërkesën e opozitës për themelim të komisionit hetimor parlamentar për çështjet e energjisë.

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh