Zëdhënësi i partisë Alenaca për Ardhmërinë e Kosovës, Muharrem Nitaj, ka folur rreth krizës së përfolur brenda bllokut opozitar, duke përjashtuar mundësinë që partia në emër të së cilës ai flet, ka mos pajtime me VV-në dhe NISMA-n.
Madje Nitaj, ka thënë se krijim i një alternative eventuale politike “është një ide, e cila nuk mund të bëhet shkel e shko, dhe mund t’i takojë një faze tjetër!”.
“Ne e kemi bërë një propozim se si do të dukej lista e përbashkët dhe e kemi bërë të qartë se
AAK, nuk do ta kushtëzojë partneritetin me asnjë dominim në këtë listë e as me kandidatin për kryeministër”, ka shkruar Nitaj në profilin e saj.
Sipas tij, AAK, opozitarizmin e bënë në bazë të parimeve dhe të programit të vet.
“Ne jemi partner politikë në një kauzë të përbashkët me Vetëvendosjen dhe me Nismën. Nuk përjashtohet mundësia që të jemi partner edhe në faza të mëvonshme, nëse biem dakord për një gjë të tillë”, ka thënë Nitaj.
“Është opcionale edhe një listë e përbashkët, por kjo nuk varet vetëm nga AAK”, shtoi ai.
Për më tepër Nita tha se AAK ka bërë një propozim që në rast të dakordimit të një liste të përbashkët, të paktën 10 emra të jenë nga shoqëria civile./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
