Sindikata e Judikaturës e Gjykatës Themelore në Prishtinë ka vendosur unanimisht për ndërprerjen e punës në Pallatin e Drejtësisë, për shkak të kushteve të këqija te punës, përkatësisht  mungesë të oksigjenit, ku për  pasojë disa punëtorë kanë pasur probleme shëndetësore.

Punonjësit e kësaj gjykate vendosen se duke filluar nga e hëna, do të ndërpresin punën nga dy orë në ditë, prej orës 13 deri në ora 15.

Insajderi ka raportuar kohë ma parë se një ekspertizë profesionale e autorizuar nga Prokuroria, ka konstatuar se oksigjeni në këtë ndërtesë është 11 herë nën normat e lejuara.

Në këtë ekspertizë thuhet se ambienti brenda godinës që ka kushtuar mbi 25 milion euro, është i rrezikshëm për shëndetin e njerëzve.

Kjo formë e protestës do të vazhdojë deri në riparimin e sistemit të ajrosjes në këtë objekt.  Nëse organet kompetente nuk marrin masa në plotësimin e kësaj kërkese, punonjësit paralajmërojnë ndërprerje totale të punën në ndërtese.

Protestës i janë bashkangjitur  institucionet tjera të akomoduara në Pallatin e Drejtësisë si Gjykata Supreme, Gjykata e Apelit,  Prokuroria e Apelit dhe ajo Themelore, njofton Zyra për Informim e  Sindikatës e Punëtorëve të Judikaturës.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman