“Miroslav Lajçak, Përfaqësuesi Special i Bashkimit Evropian nuk ka bërë asgjë deri më tani për të përmirësuar dialogun ndërmjet Kosovës dhe Serbisë dhe mandati i tij është zgjatur edhe për dy vjet”, ka thënë për Danas Dushan Janjiç nga Forumi për Marrëdhënie Etnike në Serbi.

Janjiç, shton se rezultatet e Lajçakut deri më tani nuk kanë qenë asgjë dhe se tani është e qartë se ai “e ka shpikur kinse takimin mes Kurtit dhe Vuçiç-it për t’ia zgjatur mandatin”.

“Ai është një përfaqësues ideal i BE-së që nuk bën asgjë, përveçse i mbulon gjërat dhe merr pjesë në manipulime”, thekson Janjiç dhe shton se për rajonin është më mirë që Lajçaku të mos e vizitojë, sepse kurdo që ta bëjë do të ketë barrikada.

“Zgjedhja e Lajçakut është përfaqësimi më i keq në dialogun ndërmjet Prishtinës dhe Beogradit, si dhe është një përfaqësim i trishtuar i të gjithë Komisionit Evropian dhe Parlamentit Evropian”, shtoi ai.

Ai thekson se deri më tani askush nuk e ka dëgjuar planin e Lajçakut, as ndonjë koment për vazhdimin e mandatit, por “është e qartë se është i kënaqur me atë vendim dhe me pagën e madhe, e cila duhet të jetë rreth 50 mijë euro”.

“Për të dhe bashkëpunëtorët e tij ndahen nga dy milionë euro çdo vit dhe me ato para mund të ndërtohen shkolla dhe spitale dhe efekti do të ishte më i madh se ndërmjetësimi i tij në negociata”, thotë Janjiç.

Lajçakut, i është vazhduar mandati edhe për dy vjet.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër