Është ndarë nga jeta mjeshtri i violinës, Hetem Qerimaj. Lajmin e ka konfirmuar i biri i tij, Fatosi, i cili në rrjetet sociale shkruan: “Të nderuar miq, me dhimbje ju njoftoj ndarjen nga kjo jetë, të babit tim të dashur Hetem Qerimaj. Zoti e pranoftë në parajsë”. Ai u nda nga jeta në moshën 88-vjeçare.

Tre vjet më parë, në një intervistë në media, Hetem Qerimaj do të shprehej se me violinën interpretonte prej 4 dekadash.

Me rastin e 85-vjetorit të Hetem Qerimajt, u mbajt dhe koncerti me titullin “Harku i Triumfit të Qerimajve” i cili solli përvojën e gjatë të patriarkut të familjes, pasuar deri te muzikanti më i ri i saj.

Kompozitori dhe klarinetisti Fatos Qerimaj, i biri i violinistit Hetem Qerimaj do të shprehej se ky koncert nuk ishte vetëm festimi i një ditëlindjeje, por edhe promovimi i artistëve të një familjeje të madhe muzikantësh.

“Tanimë, familja Qerimaj numëron 9 artistë shumë të mirë, që janë në një aktivitet gjatë gjithë kohës. Janë tre breza që e kanë trashëguar instrumentin e violinës”, ka deklaruar ai më 2019. 

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër