Kryeministri i Kosovës, Albin Kurti, është pjesëmarrës tradicional në simpoziumin ndërkombëtar SYMI që mbahet në Greqi. Sikurse edhe vitin e kaluar, Kurti mori pjesë edhe këtë vit, përgjatë muajit korrik. Kurti, përveç një pjesëtari të mbrojtjes së afërt, me vete kishte, Liman Hotin, me post ‘asistent personal i kryeministrit’ në Zyrën e Kryeministrit. Hoti shoqëronte si shofer kryeministrin shumë moti, i cili se ka fshehur pëlqimin e tij për Vetëvendosjen. Përveç shpenzimit të biletës, shoferi i Kurtit iu pagua edhe mëditja.

Kërkesës së Insajderit për qasje në dokumente publike lidhur me shpenzimet e Zyrës së Kryeministrit për vizitën e Kurtit dhe shoqëruesve të tjerë në simpoziumin SYMI iu janë përgjigjur pozitivisht ky institucion.

Sipas Zyrës së Kryeministrit, shpenzimet e udhëtimit/bileta të aeroplanit për asistentin personal të kryeministrit, Liman Hotin dhe një pjesëtar të mbrojtjes së afërt kanë kushtuar në total 805 euro.

Nga ZKM-ja njoftojnë për Insajderin se personi i vetëm që ka marrë mëditje nga qëndrimi në Greqi ka qenë asistenti personal i Kurtit, i cili në total është paguar 288 euro.

Gjegjësisht, vizita e Kurtit me shoqëruesit i ka kushtuar në total 1093 euro buxhetit të Kosovës.

Asistenti personal i kryeministrit (Liman Hoti në të majtë) dhe kryeministri Kurti (në të djathtë)

Zëdhënësi i Qeverisë së Kosovës parvjet dhe vjet ka njoftuar se shpenzimet e akomodimit janë mbuluar nga organizatori. Në përgjigjet që iu janë dhënë gazetës, s’përfshihen shpenzimet e akomodimit.

Hoti kishte qenë në Greqi me Kurtin edhe vitin e kaluar. Ai kishte shpërndarë fotografi në rrjete sociale duke shijuar pishinën e një hoteli atje gjatë kohës sa po mbahej simpoziumi ndërkombëtar SYMI.

Për Hotin ishte përfolur për emërimin e tij si këshilltar politik i Kurtit, por i cili e kishte demantuar. Pozita e tij aktuale në Zyrën e Kryeministrit është ‘asistent personal i kryeministrit’.

Simpoziumi Ndërkombëtar SYMI u themelua nga ish-kryeministri i Greqisë, George Papandreou dhe organizohet çdo vit. Edicioni i sivjetëm u titullua “Cila botë në vitin 2030? Trajtimi i Sindromës Icarus”.

Këtë vit ishte bërë hera e gjashtë që Kurti kishte marrë pjesë në këtë simpozium.

Kryeministri gjatë ngjarjeve të Simpoziumit Symi që po mbaheshin këtë vit në Greqi, kishte takuar edhe emisarin e BE-së, Miroslav Lajçak. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!