Është ndaluar për 48 orë shoferi i veturës që goditi dy fëmijë derisa ishin duke kaluar zebrat në qytetin e Pejës, shkruan Insajderi.

Gjendja shëndetësore e fëmijëve është e rëndë. Ata janë dërguar në Spitalin e Pejës për trajtim.

Insajderi mëson se mosha e tyre është 8 dhe 9 vjeçe.

Zëdhënësi i Prokurorisë së Pejës, Shkodran Nikçi konfirmoi për Gazetën se shoferi është ndaluar për 48 orë.

“Është ndaluar për 48 orë një person për veprën penale “Rrezikimi i trafikut publik”. Janë lënduar dy te mitur te cilët kanë pësuar lëndime të rënda trupore“, prononcohet Nikçi.

Rastin e ka konfirmuar edhe Policia e Pejës.

Zëdhënësi i Policisë për rajonin e Pejës, Driton Rugova tha se dy fëmijët u dërguan në spital për trajtim.

“Sot rreth orë 14:45 polica është njoftuar për një aksident. Në këtë aksident kanë qenë të involvuar një veturë dhe dy fëmijë. Ata janë dërguar për trajtim në spital”, tha ai.

/Insajderi.org/

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur