Kryetari i Komunës së Kaçanikut Besim Ilazi u ka reaguar liderëve shtetërorë për mos përfillje të ftesës dhe agjendës zyrtare të komunës me rastin e shënimit të 25 vjetorit të Betejës së Rakocit dhe Lagjes së Re.

Përmes një reagimi në Facebook, kryetari Ilazi ka thënë se përfaqësuesit nga qeveria kanë vendosur që dy orë para aktiviteteve zyrtare ta vizitojnë Kaçanikun.

Reagimi i plotë:

Institucionet qeveritare nuk përfillin ftesën dhe agjendën zyrtare komunale me rastin e 9 Prillit

Ndonëse me kohë kemi përcjellur ftesën dhe agjendën e aktiviteteve zyrtare komunale me rastin e shënimit të 25 vjetorit të Betejës së Rakocit dhe Lagjes së Re, përfaqësues nga qeveria e Republikës së Kosovës, paskan vendosur që dy orë para aktiviteteve tona zyrtare të vizitojnë Kaçanikun. Përkundër bindjeve të ndryshme politike që kemi, i ftuam në emër të institucioneve komunale për të marrë pjesë në manifestimet përkujtimore, sepse dëshmorët dhe të rënët për atdhe janë çmimi më i shtrejtë i lirisë dhe ato nuk duhet të politizohen. Vizita të tilla para ose pas përfundimit të aktiviteteve komunale përkujtimore janë përsëritur edhe më herët.

Ftojmë familjet e Dëshmorëve dhe martirëve të rënë, qytetarët, si dhe OVL-në e UÇK-së, t’i bashkohen nesër aktiviteteve sipas agjendes zyrtare komunale, nga ora 11:00 në Lagje të Re si dhe nga ora 12:00 në Rakoc.

Lavdi të rënëve për lirinë e vendit tonë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur