Kryetari i Kuvendit të Kosovës, Kadri Veseli, ka zhvilluar një takim me Kryetarin e Senatit amerikan, Orin Hatch, të cilit i ka kërkuar mbështetje për realizimin e qëllimeve madhore të Kosovës.

Kryetari Veseli kërkoi edhe mbështetjen për realizimin e qëllimeve madhore për të qenë pjesë e NATO-s, si një synim jetik për shtetin tonë.

Veseli me këtë rast, me theks të veçantë, kërkoi mbështetje për përfshirjen e Kosovës në iniciativa dhe programe të rëndësishme ndërkombëtare që fuqizojnë shtetësinë e saj, thuhet në një komunikatë të kuvendit.

“Senati i Shteteve të Bashkuara të Amerikës, është një nga hallkat themelore të mbështetjes së fuqishme amerikane për vendin tonë”, ka thënë Veseli në llogarinë e tij në Facebook.

“Kryetari i Senatit, Orin Hatch, më konfirmoi se Kosova vazhdon të ketë vëmendjen e Uashingtonit në rrugën e saj të shtetndërtimit, zhvillimit ekonomik dhe integrimit euro-atlantik”, thuhet në komunikatë për media.

Në anën tjetër Kryesenatori Hatch, e siguroi Kryetarin Veseli se nuk do të mungojë mbështetja e tij personale dhe e Senatit në përmbushjen e qëllimeve të Kosovës, duke potencuar që SHBA-ja nuk do të lejojë që një storie e suksesit, si Republika e Kosovës, të harrohet, por përkundrazi, do të vazhdojë rrugëtimin e përbashkët në fuqizimin e shtetësisë së Republikës së Kosovës./Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”