Në muajin mars të këtij viti, Gazeta Insajderi raportoi ekskluzivisht për mashtrimin që po dyshohej se po bënte pronari i shkollës “Albshkolla”, Driton Ajeti ndaj punëtorëve të tij. Ndërkohë, sot Prokuroria Themelore në Gjilan ka konfirmuar se ka ngritur aktakuzë ndaj Ajetit për veprën penale “mashtrim”.

Arrestimi i tij ndodhi pas publikimit të hulumtimit nga Gazeta Insajderi, i cili dëshmonte për një numër të madh të viktimave që ishin mashtruar nga Ajeti.

Prokuroria bën me dije se Driton Ajeti dyshohet se i ka vënë lajthim 11 persona.

Sipas aktakuzës, ekziston dyshimi i bazuar mirë se, i pandehuri D.A., që nga data 24 dhjetor 2023 deri më datë 28 mars 2024, në vazhdimësi, në biznesin e tij të emërtuar, “Albshkolla”, në Gjilan, me anë të paraqitjes së fakteve të rreme dhe me qëllim të përfitimit të kundërligjshëm pasuror, i ka vënë në lajthim të dëmtuarit I.K, L.H., V.M., F.O., J.S., Y.B., A.V., M.A., R.A., N.S., A.R., duke i mashtruar dhe nxitur që të veprojnë në dëm të pasurisë së tyre, në atë mënyrë që i njëjti ka hapur një shkollë të rreme online të quajtur “Albshkolla”, duke punësuar të dëmtuarit si mësimdhënës dhe pozita të tjera, me të cilët ka nënshkruar kontrata me kohë të caktuar dhe ka premtuar paga nga 400 euro deri në 1,000 euro, ku të dëmtuarit, duke rënë pre e mashtrimit, kanë filluar punën, duke dhënë shërbim secili në pozitën dhe rolin e tij, mirëpo i njëjti për këto shërbime nuk i ka paguar.

Ai nga prokuroria po dyshohet edhe për një rast të mashtrimit me kinse pllakë ari.

“Po ashtu i njëjti gjatë muajit shkurt 2024, nga e dëmtuara Y.B., ka marrë një pllakë të arit kinse për t’ia rregulluar, të cilën më nuk ia ka kthyer, e po ashtu përmes platformës së tij të rreme ka nxitur persona të tjerë të paguajnë shumën prej 12 euro, në llogarinë e tij ‘’Albshkolla’’ për shërbime online, e që ky shërbim nuk iu ishte ofruar asnjëherë. Për këto veprime, i pandehuri D.A., ka kryer veprën e sipërshënuar penale, për të cilën me kërkesë të prokurorisë gjendet nën masën e paraburgimit”, thuhet në njoftim.

Lexo edhe:

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh