Ambasada gjermane në Prishtinë ka kujtuar një vjetorin e sulmit terrorist në Banjskë, ku mbeti i vrarë polici Afrim Bunjaku.
Në reagimin e ambasadës, thuhet se mosndëshkimi i Milan Radoiçiç për atë që ndodhi në Banjskë, i cili ka pranuar se është përgjegjës, krijon precedent me rrezik për sigurinë rajonale.
“Një vit më parë, gjatë sulmit të tmerrshëm në Banjskë, polici i Kosovës Afrim Bunjaku humbi jetën. Sakrifica e tij nuk do të harrohet, por fakti mbetet: Milan Radoiçiç, autori i supozuar pas këtij krimi, pavarësisht se ka pranuar përgjegjësinë, është ende i lirë në Serbi”, thuhet në njoftimin e ambasadës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
