Edhe gjatë ditës së sotme Ish-deputeti i LDK-së, Fadil Geci, do të vazhdojë dëshminë tij në procesin gjyqësor ndaj ish-krerëve të UÇK-së në Gjykatën Speciale.
Seanca e së martës pritet të nisë në orën 9:00, ndërkohë që transmetimi i saj bëhet 45 minuta më vonë.
Geci në nisje të dëshmisë së tij të hënën, ka sqaruar përmbajtjen dhe ndikimin e komunikatës së 59-të të UÇK-së.
Në këtë komunikatë vëllai i Fadilit, Gani Geci, ishte etiketuar si tradhtar pas vrasjes së komandantit të UÇK-së, Abedin Rexha.
Atij nga ZPS-ja iu treguan deklaratat e Hashim Thaçit, Rexhep Selimit e Jakup Krasniqit lidhur më komunikatën. Në deklaratën e Selimit thuhej se Thaçi e ka shkruar komunikatën e 59-të.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
