Policia në Ferizaj ka bërë apel tek shoferët që të kenë kujdes gjatë vozitjes në mjegull.
Policia ka bërë disa rekomandime:
– Mos harroni se ngasja në mjegull mund të jetë e rrezikshme!
– Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve.
– Përdorni dritat e mjegullës. Nëse automjeti juaj i ka këto drita, kjo ju ndihmon të ndriçohet rruga para jush dhe këto drita e bëjnë automjetin tuaj më të dukshëm për shoferët tjerë. Disa automjete kanë edhe dritat e pasme të mjegullës, të cilat ndihmojnë shoferët që lëvizin mbrapa t’ju shohin juve edhe nga një distancë më e madhe.
– Mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë. – Mbani vëmendjen, mos shpejtoni!
– Ndizni dritat gjatë ngasjes, por mos ndizni dritat me rreze të gjatë!
– Ngasja e automjetit me drita të gjata mund të reflektojë jashtë mjegullës dhe mund të kthehet në automjetin tuaj, e cila gjithashtu e bën të pamundur që shoferët tjerë t’ju shohin.
– Mbani ndezur dritat e shkurtra dhe të mjegullës!
– Mbani nën kontroll shpejtësinë e lëvizjes!
– Mbani krahun e djathtë të rrugës gjatë lëvizjes!
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
