Drejtori i Asociacionit të komunave të Kosovës (AKK), Sazan Ibrahimi, i është përgjigjur ministrit të Financave, Punës dhe Transfereve, Hekuran Murati, pasi ky i fundit ka shkruar në Facebook se “Qeveria nuk bllokon llogari, por përmbaruesi me vendime gjyqësore”.

Ibrahimi dhe kryetari i Suharekës, Bali Muharremaj, njoftuan se llogaria e komunës është pasive, pasi kanë marrë email zyrtar nga thesari i Ministrisë së Financave, Punës dhe Transfereve.

“Sigurisht që keni informacion, por dëshiroj të ju informoj se me kërkesë të menaxhemntit dhe duke u bazuar në nenin 40 të LMFPP, sot me datë 28/10.2024, qasje për të gjithë zyrtarët financiarë për debitorin e Komunës së Suharekës janë të pasiv deri sa të procedohen vendimet gjyqëore/përmbarimore”, thuhet në këtë email.

Duke u bazuar në ketë email, Ibrahimi iu përgjigje Muratit duke i thënë se ai po dezinformon.

“Kush po dezinformon, a janë këta përmbarues apo zyrtar të thesarit të shtetit. Thesari i MFPT e ka dërguar këtë email e jo përmbaruesi.

Kjo është dëshmi se kush ia ka bllokuar Suharekës xhorollogarinë bankare.

Nuk e di se kush po dezinformon. Argumentet janë arguemente”, ka thënë Ibrahimi.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman