Gjatë takimit u bisedua për fuqizimin e vazhdueshëm të sektorit të sigurisë në Kosovë dhe rezultatet konkrete në këtë drejtim.

Fillimisht, kryeministri Mustafa e njoftoi për progresin e arritur në zhvillimin ekonomik,  forcimin e shtetit ligjor dhe proceset integruese euroatlantike.

Duke folur për sektorin e sigurisë, kryeministri Mustafa theksoi përkushtimin e Kosovës në përpjekjet globale kundër ekstremizmit të dhunshëm dhe radikalizmit që shpie në terrorizëm.

Në këtë kontekst, kryeministri Isa Mustafa bëri të ditur se falë veprimeve legjislative dhe operative të institucioneve të Kosovës janë arritur rezultate inkurajuese, duke veçuar parandalimin e shkuarjes së njerëzve në luftërat e huaja.

Kryeministri Mustafa, po ashtu, vlerësoi lart rolin e KFOR-it dhe trupave italiane në kuadër të saj, për Kosovën.

Duke falënderuar për përkrahjen italiane, kryeministri Mustafa kërkoi përkrahje të mëtejshme për proceset euroatlantike, duke shprehur njëkohësisht përkushtimin e Kosovës për forcimin e marrëdhënieve bilaterale me Italinë.

Ministrja e Mbrojtjes e Italisë, Roberta Pinotti, vlerësoi lartë progresin në Kosovë, me theks të posaçëm në sektorin e sigurisë. /Insajderi.com

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh