Kryetari i Lidhjes Demokratike të Kosovës, Lumir Abdixhiku, ka bërë një përmbledhje të programit për Sport, Kulturë dhe Turizëm, që prezantoi mbrëmë në Prishtinë.

Abdixhiku ka thënë se plani i tyre në këtë sektor është ambicioz, duke filluar nga stadiumet e futbollit, tek kompleksi më i madh kulturor në histori të Kosovës e deri tek Qendrat e Skijimit.

“Plani ynë për Sport, Kulturë e Turizëm. Nga Stadiumet e Futbollit, tek kompleksi më i madh kulturor në histori të Kosovës e deri tek Qendrat e Skijimit. Ne kemi një plan ambicioz! “, ka shkruar Abdixhiku.

Programi i prezantuar mbrëmë për sport:

– 100 milionë euro për ndërtimin e Qendrës Kombëtare të Sportit në Bërnicë të Prishtinës.

– Qendra do të ketë STADIUM KOMBËTAR me 25 mijë deri në 30 mijë ulëse;

– PALLAT KOMBËTAR me salla moderne për sportet e dorës (basketboll, hendboll e volejboll);

– 2 Pishina Olimpike;

– Prezantuam dhe ndërtimin e 5 STADIUMEVE RAJONALE të kategorisë 3 dhe 4 të UEFA-s në Gjilan, Ferizaj, Gjakovë, Pejë e Prizren.

Në Kulturë:

– Ndërtimin e Teatrit të Operas dhe Baletit Dr. Ibrahim Rugova, në vlerë prej 25 milionë eurove;

– Ndërtimin e Teatrit të Ri Kombëtar të Kosovës;

– Ndërtimin e Muzeut Bashkëkohor në vlerë prej 10 milionë eurove;

– Themelimin dhe ndërtimin e Muzeut të Paqes dhe Rezistencës;

– Adoptimin e 10 Qendrave Multifunksionale në 10 qytete të Kosovës, në modelin e adoptimit të Bibliotekës ‘Hivzi Sylejmani’ në Prishtinë.

Në Turizëm:

– 80 milionë euro investime në resortin modern turistik në Brezovicë;

– 50 milionë euro investime në resortin e Pejës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!