Bashar al-Assad, i cili e sundoi Sirinë për gati 25 vjet, është larguar nga vendi pasi ka dhënë urdhra për një dorëzim paqësor të pushtetit, sipas ministrisë së jashtme të Rusisë.
Është e paqartë se ku ndodhet ai.
Ministria tha se Moska nuk ka marrë pjesë në bisedimet rreth largimit të tij.
Megjithatë, tha se bazat ushtarake të Rusisë në Siri ishin vënë në gjendje gatishmërie të lartë, megjithëse nuk ka asnjë kërcënim serioz për to aktualisht.
Moska thotë se ishte në kontakt me të gjitha grupet e opozitës siriane dhe u bëri thirrje të gjitha palëve që të përmbahen nga dhuna, raportoi Reuters.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
