Ministri i Shëndetësisë së Kosovës, Imet Rrahmani, ka pritur sot në takim Rrjetin e Grupeve të Grave të Kosovës, me të cilat është biseduar për nevojat e grave për kujdes cilësor e shëndetësorë.

Ministri Rrahmani ka njoftuar grupin e grave për projektet që janë duke u realizuar në bashkëpunim me donatorët e MSh-së, ku për qëllim kanë përmirësimin e shëndetit të nënës dhe fëmijës, duke i dhënë theks të veçantë ndërtimit të Spitalit Pediatrik-Kirurgjik.

Rrahmani mirëpriti iniciativën e grupit për hulumtimin e nevojave të rritjes së cilësisë së kujdesit shëndetësorë te gratë, me ç’rast i ka ofruar RrGGK edhe Marrëveshje Bashkëpunimi, e cila do të lehtësonte realizimin e këtij projekti, thuhet në një komunikatë për media nga MSh.

Në anën tjetër e Rrjeti i Grupeve të Grave të Kosovës ka falënderuar Ministrin Rrahmani, për pritjen dhe gatishmërinë e tij për të mbështetur propozim-projektin, duke theksuar se të dhënat e hulumtimit të projektit, do të ndihmojnë MSh-në, të përmirësojë qasjen në kujdesin shëndetësor cilësor për nëna dhe fëmijë./Insajderi.com

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh